Les mots surlignés font l'objet d'une note
1Monsieur, je vous mercie très humblement les bonnes novelles
2quil vous pleust menvoyer hier par Jehan de Cosme,
3mesmes de la santé de monsieur de Laval, la maladie duquel
4me tenoit en peine pour estre une fiebvre continue aulx
5grandes chaleurs et à une jeune personne qui nest que feu.
6Jay esté contrainct men venir en ceste ville ce jordhuy,
7pressé dung flux de ventre que javoys peur quil ne
8me mit en fiebvre ; et vous scavés que les medecins
9d’Herbeys ne sont guières scavantz, ne expertz, ni les
10drogues des appoticquayres. Si je me tiens ung peu
11mieulx, demain ou après demain, je mi en retournerey.
12Les novelles quon ma dict en ceste ville despuis
13que je suis arrivé cest que monsieur des Adrestz,
14estant arrivé de dela les montz, a faict dire une
15grande messe où il cest treuvé et luy et tous
16les chefz et principaulx de ses trouppes ; et que
17incontinent après, il a faict faire ung bandoz que nul
18n’aye à manger chair le vandredi, ni le samedi, sur
19peine de trois traictz de corde, et que en recompense,
20le pays de Saluces luy a donné mil escutz, lesquelz,
21si il est ainssi, il ayme beaucoup mieulx, à mon
22jugement, et en faict plus detat que de la grande
23messe quils a faict dire. L’on ma dict aussi que
24Domp Jehan d’Ostrie est arrivé à Gennes avecq
25cent et cinquante gallères. Je croye à vostre lettre
26et non à ce bruict. Si japrens quelque aultre chose,
27[v°] je vous le ferey scavoyr, mays voila ce que jay aprins despuis
28deux heures. Je pance bien que ni aura que soyt nuict lon
29me dira bien daultres choses et non sans mentir.
30Monsieur, je prieray Nostre Seigneur vous donner en parfecte santé
31très bonne longue et hereuse vye, me recommandant bien
32humblement à vostre bonne grace. De Grenoble, ce Ve aoust
331572
34Vostre très humble et affectionné serviteur
35F d’Avanson, evesque de Grenoble